اغتراب

اغتراب...
انتصار الواقع الكداب ...ضياه
يقتل الحلم اللي لسه في صباه
ننتهي ومكتوب علينا الاغتراب ...
اغتراب .....اغتراب
في عيون الفقرا مرسوم اغتراب ...بنا ..بنهم
وفي عيونهم ...
صرخة بتقول كونوا لينا ...كونوا لينا
ثورة في الغيط والمدينة .....والمدينة
بس ...ثورة في سكات ..
اه..يا ثورة السكات
ضايعة دايما في اغتراب

...اغتراب ....اغتراب

ابيض يا قلب الشعب ...

ابيض يا قلب الشعب ...يا مهاود
عدت سنين والجرح... بيعا ود
عالم بيكدب ...والحقيقة خداع
ليه الزمان دايما"....بيتها ود!!؟؟
* * *
ابيض يا قلب الشعب ...يا مجروح
أدي الطريق أدام عنيك ..مفتوح
تختار طريق الموت.. وهو طريق
ده موت الروح ...ساعات يخلق حياه للروح
* * *
ابيض يا قلب الشعب ...يا مكبوت
بين كل لحظة ...ولحظة تانية تموت
حاسب تشوفني ..قلب تاه ...ساكت الحلم واحد حياه ...حياه قصادها ..موت

يا...ناسية الناس

خدتي الجمال كله ...
خدتي الحنان كله...
خدتي القمر في عنيكي ..خبيتي ..ضياه وضله..
طب سبتي ايه للناس؟؟؟
يا ناسيه الناس ..حرام الناس ...تشوف الضحكة في عيونك ..
دهب خالص وفضه ...وماس ....حرام الناس
* * *
وبتقولي ..وبتخبي ...لعيون الناس
وبتشيلي وبتحطي في قلوب الناس
وبتحبي اللي بيحبك ...
وبيحبوكي كل الناس ....حرام الناس
* * *
تسيري في الطريق تاخدي عيون الناس
تغني في الفضا.. تاخدي قلوب الناس
تعودي لدارك العالي.... وتنسي الناس ...وتأذي الناس ..حرام الناس
لابد تكوني ملك الناس ....مشاع للناس...

قمر عنيكي....

قمر عنيكي

....
قمر عنيكي فتني
حنان ايديكي حضني
شالك دة دفالي بردّي
شالك ..وحطك في قلبي
* * *
يا حنينة ...لما بتقسي دروبي
يا قريبة ...لما بتبعد شطوطي
انتي المني ...لما اقول يا حلم
وانتي الشروق ...لما يبعني غروبي
* * *
يا رقيقة زي الندي ... زي الحمام لابيض
يا حلوة صوتك نده ..... قلبي ابتدي ينبض
رجعلي في عنيكي عمري ...وانا
بعت عمري لعنيكي ......

بلا عنوان

بلا عنوان ...

بلا عنوان ...طاير يا قلب الطير كما قلبي ....بلا عنوان
غريب و....مصاحب الغربة
حبيب ..وحبيبتي مش بكرة
حبيبتي الماضي والماضي ...ماهوش راضي يودعنا ...بلا عنوان
بلا عنوان ...طاير يا قلب الطير كما قلبي ....بلا عنوان
تشوف الحلم في الاحباب
وتحضن حضن فاكره حبيب
يتوه فيك السؤال وجواب
مالوش معني غير انت غريب ....
وترجع تاني وتهاجر
وتنسي الماضي وتعافر
عشان تسكن في حضن حنان ....تطير وانت ..
....بلا عنوان

معاد الرحيل

معاد الرحيل.........

من غير عيون يا قدر .......واخدانا غربة ليل
كل لما نحلم بالقا ......يجي معاد الرحيل
* * *
واقفة علي شطي باكية...عمالة ترمي الوداع
ما انتي السنين اللي جاية ....وانتي اللي غازلة الشراع
* * *
الشط عمال بيبعد ....وتقولي رايح لفين
رايح اجيب من الغربة ...بكرة اللي تاه من سنين
* * *
البحر دة من دموعك ....ولا دموعك دي بحري
مهما الخطاوي تأخدني ...انتي سبيلي ...وصبري

امسح دموعها ...يا ليل
امسح دموعها ...يا ليل

البيوت العالية

البيوت العالية..........

والبيوت العالية خبت شمسنا

خدت الغربة الحبايب مننا
احنا لون .....والماضي لون
ما تلموش علي حزننا
* * *
والادين الصابرة ملت صبرها
والعيون الطيبة ....ودعتنا بدمعها
في الخواطر .....ليه نخاطر مهرها
اغلي كتير من دمعنا
* * *
يا سكوت يا سكوتنا.....فيك معني الخضوع
والكلام في عيونا ....تايه في الدموع
دسنا خطوه ...قلنا بكرة ...جاي صاحب
بكرة مش راضي يصاحب حلمنا
البيوت العالية ...خبت شمسنا